Hopp til hovedinnhold

4. oktober 2023

| Oppdatert 8. oktober 2023

Forsvar- og utanrikspolitikken i møte med den geopolitiske tidsalderen

På landsmøtet i 2023 skal Unge Venstre utvikla forsvars- og utanrikspolitikken til organisasjonen. No har forsvars- og utanriksutvalet levert forslaget sitt.

Landsstyret vedtok tidlegare i år at temaet for landsmøtet i år skulle vera forsvar- og utanrikspolitikken. I den samanheng har eit utval beståande av fem medlemer fått oppdraget å utarbeida ei fråsegn som skal danna grunnlaget for denne diskusjonen på landsmøtet.

Utvalet har bestått av Ingebjørg Flyum Bjørlo, Sondre Undheim Lokøy, Emma Skarseth Strandbakke, Hans Fredrik Jacobsen og med Jens Håkon Slettemark Birkeland som leiar.

Utvalet hatt fire fysiske møter, der av to helgemøter, eit digital møte, samt laupande digital korrespondanse mellom møta. Utvalet har også hatt møter med ei rekkje organisasjonar og personar med kompetanse innanfor områda som fell innanfor tema. Innspela i desse møta har vorte vektlagte og har saman med politiske prioriteringar danna grunnlaget for fråsegna.

Jens Håkon Birkeland, leiar av utvalet

Jens Håkon Birkeland, som har leia utvalet, vonar fråsegnet gjer organisasjonen eit godt utgangspunkt for diskusjon.

— Ei meir globalisert verd gjer at utfordingar som før kunna framstå om perifiere, no kjem nærare. Dette krev meir av både Noreg som land, men ikkje minst også frå Unge Venstre som ein politisk ungdomsorganisasjon, seier Birkeland.

— Det er utvalet sitt syn at verda er i ferd med å gå inn i ein geopolitisk tidsalder, og har gjennom arbeidet i denne fråsegna freista å koma med vårt syn på kva som burde vera Unge Venstre - og seinare Venstre, sine svar på denne utviklinga, avsluttar Birkeland.

Før landsmøtet er det mogleg å sende inn endringsframlegg til fråsegna. Slik kan du koma med dine innspel til fråsegna. Enten du vil fjerna noko, legga til noko eller berre omformulera litt.

Frist for å sende inn endringsframlegg til hovedfråsegna er fredag 27. oktober.

Vil du være med å utforme årets hoveduttalelse?

Del artikkelen